現今社會一年半載轉工是好多人會做嘅事，大家有冇諗過點解返工返到甘上下就覺得老闆或同事或公司政策好有問題跟住你就又唔想做呢？當你唔想做時跟住就會有更多新事件發生令你更加確定呢份工真係好差「我要轉工」！！！之後會係點？下一份工都會有類似感覺/事件你又會想唔做啦⋯⋯真相係點？
喺能量層面黎講每個團隊（公司）都有佢地一個集體的特定能量場，新人入識時基本頭三個月（試用期中）都係同呢個集體能量場磨合共融中，大家的能量相差大共融磨合時矛盾自然多啲，當時間耐左就自然好啲。所以說頭三個月係最難熬，過左就好好多啦。之後過左試用仲想唔做當然有其他無數理由（其實都係個人原因）。咩原因都好工作上有壓力、誤會、比人話、麻煩嘢….當你接受唔到呢啲「挑戰」時你又會想轉工。
跟住吸引力法則又黎啦，你自然會引來更多唔高興嘅事發生令你做得更唔開心需要離開這感覺地獄般的地方…離開時帶著一大堆的負能量到下一份工繼續loop直至你屈服、心態轉變為止，所以請勿帶著上一份工的不滿或怨氣去揾新工。
工作同做人一樣我地都會有好多挑戰，挑戰並非要打擊你，而係面對處理每個挑戰過後你會有所經驗長大多一點，智慧亦增長多一點。
?記住返工有錢收，金錢都係一種能量，返工難過你啲錢收得辛苦又留唔住；開心返工收開心錢，開心錢用都用得愉快啲，用完揾返黎都快啲。?
