香港人從小到大被受電視電影的熏陶大部分對催眠有所誤解，以為會訓左覺、銀行密碼都講埋出黎，或者一定睇到畫面…等等…究竟今時今日催眠係乜嘢？係點樣？可以做到啲咩？
常被問到的問題如下：（簡潔答）
1 – 點為止進入催眠狀態？
每人每次開始時深度不一，慢慢會再入深啲。基本會感覺到開始時越來越寧靜-再有其他嘅感受，身體上、情緒上..等等 每人的五感開發不一樣，唔一定睇到先至叫做被催眠左。過程中有人會睇到、聽到、突然諗到、知道、覺得、有畫面、冇畫面..每人每段也不一樣。
2 – 係咪會訓左覺？定係冇晒知覺？
唔會訓覺囉，因為你潛意識知道唔會黎比催眠嘅價錢訓覺囉。催眠是在進入潛意識但仲會有意識底下進行，當完成時回來你會好清楚有咩分別。
3 – 催眠過程中的情緒反應身體反應代表乜？
有情緒代表有嘢需要釋放，喺呢個時候請不要害羞、吝嗇盡情釋放吧。一切過程保密冇人會知。身體有反應大陪分都是有淤塞嘅能量積聚，請即時話我知攞佢出黎睇下係乜..釋放佢遠離你身體。
4 – 催眠揾前世今生對今生有乜關係？有乜幫助？
催眠中顯然嘅前世都同你現世有啲關，前世故事的功能是要知道發生咩事仲影響緊依家，揾返個源頭出嚟處理佢解決佢轉變佢。解決問題比較故事還重要，請別執著前世故事。
5 – 催眠見到邊個邊個同我前世有關係？甘即係？
有時只是一個知道，或有咩約定過、有咩問題/執著仲影響緊而家？有咩兩者之間的課題未解決，和解之間的牽絆關係
6 – 接受催眠者點樣可令過程更順利進行？
開始時唔好心急，還未有什麼時請享受一下回歸內在的平靜，只要專心聽從催眠師的引導便可以。進行中見到、諗到、覺得咩就講出黎，甘催眠師先可再引導你下一步發現、調整，過程會加速流暢，亦可處理更多問題。
7 – 催眠可以做到啲乜嘢？
由催眠師引導你自己去轉變信念、內在小孩清理、與潛意識對話、回到過去、探索有可能的未來、前世回溯、調整心靈花園、出生前會議、與内在相連尋找所有關於自己的答案..等等
PS:催眠需要練習的，每一次會比上一次更深入流暢。第一次冇畫面唔代表下一次冇；第一次好多畫面出唔代表次次都係，視乎個案精神狀態。
